Oshiq ijodidan lavhalar

xorazm — Mon, 25 Aug 2008 13:43:14 GMT

Oshiq sukut qilar

Oshiqdan so’rashar : « Kimga oshiqsan ? »
Balki bor yo’g’i bir yolg’on yashiqsan,
So’zi boru sassiz, g’amgin qo’shiqsan
Oshiq sukut qilar dardini yutib ! ».

Oshiqdan so’rashar: ”Seni sevar kim?”
Ma’shuqlaring yuzming, milliondir balkim,
Balki poylaringga yiqilar har kim
Oshiq sukut qilar dardini yutib ! ».

Oshiqdan so’rashar: ”qani Shohsanam ?”
Senga mazza do’stim, bilmaysan alam.
Oyog’ing ostida bu go’zal olam,
Oshiq sukut qilar dardini yutib ! ».

Oshiqdan so’rashar: Sen asli kimsan ?
Balki chin do’stimsan, balki g’animsan,
So’zlarim rost ishon, oshonganimsan,
Oshiq sukut qilar dardini yutib ! ».

Oshiqdan so’rashar: ”Kimga nafing bor?”
O’zingni o’ylaysan, ko’nglingda bahor,
Oshiq bo’lsang nega, uyingda bu qor,
Oshiq sukut qilar dardini yutib ! ».

Oshiqdan so’rashar: ”Bu nechuk nazm?”
Ko’ngilga sig’armu aysh-ishrat, bazm,
O’lib borayapti, Buyuk Xorazm!
Oshiq sukut qilar dardini yutib ! ».

------------------------------------------

Oshiqni qurg’ino sevmoqlik mumkin

Oshiqning bag’ri keng, sevar barchani,
Har bir go’zal qizga ochar darchani,
Sizga bag’ishlaydi ushbu parchani,
Oshiqni qurg’ino sevmoqlik mumkin.

Oshiqni sevsangiz, seving chin dildan,
Farqingiz qolmasin hushboy bir guldan,
Bermaslikka ammo urinmang qo’ldan
Oshiqni qurg’ino sevmoqlik mumkin.

Oshiqni bevafo demangiz sira,
Sizga hadya etar shirin xotira,
Oshiq hamma uchun, to’ymaydi "bir"a,
Oshiqni qurg’ino sevmoqlik mumkin.

Oshiqning didiga shubha aylamang,
Oshiq duch kelganda sinab saylamang,
Lek keyingi qizni yo’lin boylamang
Oshiqni qurg’ino sevmoqlik mumkin.

Xorazmning har bir yigiti Oshiq,
Har biri G’aribu, har biri ma’shuq,
Sizga muhabbatdan aytsa u qo’shiq,
Oshiqni qurg’ino sevmoqlik mumkin.
-----------------------------------------------

Oshiq dardi

Muhabbat deb she'rlar bitdimu,
Shoir nomin orttirib oldim.
So'ng na oshiq, na shoir bo'lmay,
Arosatning dog'ida qoldim.

O'z yo'liga mayli muhabbat,
Balo bormi shoir deyishga.
Bitta yozgan tuzuk she'rim yo'q,
Nag'masida yonib kuyishga.

Odamlarku shoir deyversin,
Shoir xalqi xafamish mendan.
Shoirman deb yolg'on she'r bitib,
Da'vo qilganmishman men chindan.

She'r yozmadim axir odamlar,
Dardlarimni to'kdim qog'ozga.
Shoirmi shu yoki yo'q deya,
Qo'ymangizlar endi ovozga.

She'rlarimda na bir turoq bor,
Na qofiya, vazn yo'q unda.
Kunduzlari o'ylanib yurib,
Bitgan dim ularni tunda.

Shu-shu bo'ldi kimga shoirman,
Kimga esa oddiy aldoqchi.
She'r bitmoqqa o'zim qodirman,
Ammo tag'in o'zim qaroqchi.

O'pkaladim ilhom qushimdan,
Bu g'iybatchi odamlardan ham.
Judo bo'ldim aqlu hushimdan,
Alik birla salomlardan ham.

Mana hozir she'r yozmay qo'ydim,
Shoir demay qo'ydi insonlar.
Ammo endi hayotdan to'ydim,
Qaramaydi sira jononlar.

Jononlarni qo'yingku mayli,
O'z jononim voz kechdi mendan.
So'ngra kelib ul shoir ahli,
Meni "SHOIR" nomlashdi chindan.

Yo'q!!!!!
Yorsiz qolib SHOIR bo'lgandan,
Menga ma'qul yolg'onu yashiq.
"Obro' birla mashxur o'lgandan,
Kamtar bo'lib yashaydi Oshiq!"

---------------------------------------

Xorazm dehqoni

Xorazm dehqoni changallaydi bosh,
Yalang yelkasini kuydirar quyosh,
Amu ko’zlarida yo’qdir ammo yosh,
Oshiqning dardini so’rangiz undan.

Xorazm dehqonin joni temirdan,
Fe’li yumshoq uning yumshoq xamirdan,
Shunda ham nolimas aslo umrdan,
Oshiqning dardini so’rangiz undan

Xorazm dehqonin qonida tuz bor,
Jigaridan tortib sonida tuz bor
O’rtaydi bir umr, jonida tuz bor
Oshiqning dardini so’rangiz undan.

Xorazm dehqonin ayoli kasal,
Homilasi chala, axvoli o’sal,
Qoni kamligidan istaydi asal,
Oshiqning dardini so’rangiz undan.

Xorazm dehqonin bolasi dehqon,
Mehnatdan charchamas, bir lahza, bir on,
Egnida har doim bir yirtiq chopon,
Oshiqning dardini so’rangiz undan.

Xorazm dehqoni qiziq ”mexanizm”,
Hech tinim bilmaydi tegmasin ko’zim,
Do’stlar sizga shudir oxirgi so’zim,
Oshiqning dardini so’rangiz undan.

Oshiq Xorazmiy

Logos - logolar

xorazm — Thu, 07 Aug 2008 13:19:37 GMT

Saytimizning Album bo'limiga Logolar qushildi, agar sizda ham logolar busa marxamat saytga joylang, batafsil malumot uchun:

http://xorazm.my1.ru/photo

Hush kelibsiz! Добро пожаловать ! Welcome ! Bienvenue !

xorazm — Tue, 22 Jul 2008 14:24:05 GMT

Assalomu aleykum hurmatli do'stlar va mehmonlar !

Tashrifingiz uchun tashakkur.
Спасибо за посещение.
Thanks for visit.
Dank voor bezoek.
Merci pour visite.

XO®AZM

Oshiq ijodidan lavhalar

Logos - logolar

Hush kelibsiz! Добро пожаловать ! Welcome ! Bienvenue !